HVERNIG Á AÐ FJARLÆGJA GELLAKK?

Ef það er ekki gert rétt, geta neglurnar orðið þunnar og brothættar. Hér eru bestu aðferðirnar til að fjarlægja gelnaglalakk á öruggan hátt.

Þetta er ein vinsælasta og áhrifaríkasta aðferðin til að fjarlægja gelnaglalakk:

Þjalaðu yfirborð naglalakksins – Notaðu grófa naglaþjöl til að fjarlægja glansinn af yfirborðinu. Þetta hjálpar acetoninu að komast betur að gelinu.
Bleyttu bómullarskífuna á Removail Foil með acetone – Leggðu bómullarskífuna á nöglina og pakkaðu fingrinum þétt inn svo bómullin haldist á sínum stað.
Bíddu í 10-15 mínútur – Gefðu acetoninu nægan tíma til að brjóta niður gelnaglalakkið.
Fjarlægðu gelnaglalakkið varlega – Notaðu naglapinna til að skafa gelið af varlega. Ef eitthvað er eftir skaltu endurtaka ferlið í nokkrar mínútur til viðbótar.
Þrífðu og nærðu neglurnar – Þvoðu hendur, notaðu jafnvel naglabursta og sápu á neglurnar og berðu á naglabandaolíu eða handáburð á neglurnar til að endurheimta raka.

Ef þú vilt sleppa við álþynnurnar geturðu notað þessa aðferð:

Fylltu skál með acetone – Settu heitt vatn í aðra skál og settu aceton skálina til að halda acetoninu volgu (ekki hita það beint).
Leggðu fingurna í bleyti í 10-15 mínútur – Gott er að smyrja naglaböndin með vaselíni til að vernda þau.
Skafðu gelnaglalakkið af varlega – Eins og í fyrri aðferðinni.
Þrífðu og nærðu neglurnar – Eins og í fyrri aðferðinni.

Ekki rífa eða pilla af gelinu – Þetta getur fjarlægt efsta lag náttúrulegu naglanna.
Ekki nota hefðbundinn naglalakkahreinsi – Hann inniheldur ekki nægilegt magn af acetone til að fjarlægja gelnaglalakk.
Ekki gleyma að næra neglurnar eftir á – Acetone getur þurrkað neglurnar, svo mikilvægt er að bera á naglaolíu og rakakrem.