Hvernig á að fjarlægja XPress Pro?

Hvernig er best að fjarlægja Xpress Pro Press On neglurnar án þess að skemma þínar eigin neglur.

Aðalatriðið er að plokka eða rífa XPress Pro neglurnar alls ekki af. Þegar þú plokkar þær af þá ertu líka að taka efsta lagið af náttúrulegu nöglinni þinni og þar að leiðandi verður hún þynnri og viðkvæmari.

Hér er stutt myndband sem sýnir ferlið:
https://youtube.com/shorts/e9FdvrTDuCE?feature=share

SKREF 1: FINNA TIL VÖRUR SEM ÞÚ ÞARFT

Lykillinn að því að fjarlægja Xpress Pro neglur án þess að skadda þínar náttúrulegu neglur er að hafa réttar vörur. Gott er að byrja á því að finna til allar vörurnar sem þú munt þurfa, þetta mun gera ferlið auðveldara og mun fljótlegra.

Vörur sem þú þarft:

100 grit naglaþjöl
Álþynnur
Acetone (best er að nota 100% hreint acetone sem fæst í apótekum eða byggingarvöruverslunum, ekki naglalakkseyði)
Bufferkubb
Naglabandaolíu eða handáburð

SKREF 2: ÞJÖLUN

Gott er að byrja á því að stytta neglurnar með naglaklippum.

Þjalaðu efsta lagið af XPress Pro nöglunum niður, markmiðið er að fjarlægja glansinn á nöglunum svo að acetoneið nái að leysa þær betur upp. Farðu varlega með þjölina og alls ekki þjala í þína náttúrulegu nögl.

SKREF 3: VERNDAÐU HÚÐINA ÞÍNA

Að fjarlægja XPress Pro neglurnar krefst þess að láta acetone liggja á nöglunum, acetone er þurrkandi og því þarftu að vernda húðina í kringum neglurnar með naglabandaolíu eða handáburði (einnig hægt að nota vaselín).

Berðu olíu eða handáburð á naglaböndin og húðina í kringum neglurnar (ekki á neglurnar sem þú ert að fara leysa af).

Einnig er gott að vera dugleg/ur að nota naglabandaolíu næstu daga eftir að þú hefur fjarlægt gellakkið.

SKREF 4 : LEYSA UPP XPress Pro neglurnar

Það eru tvær leiðir sem þú getur gert í þessu skrefi:

Fyrri leiðin er að bleyta upp bómullarhnoðrann í Removal Foils með acetoni. Setja síðan eina álþynnu á hverja nögl, bómullin beint á nögluna, og pakka álpappírnum utan um fingurinn. Leyfðu þessu að bíða í 15-20 mín. Gott er að leggja heitan þvottapoka utan um hendurnar/neglurnar til að acetonið leysi XPress Pro neglurnar hraðar upp.

Önnur leið er að hella acetone í lítið fat og leggja fingurnar í bleyti í acetoni í 10-15 mín. Til að gera ferlið enn hraðara mælum við með því að setja litla fatið með acetoninu í stæri skál með volgu vatni. Með því að hita upp acetonið mun það leysa hraðar upp.

STEP 5: FJARLÆGJA XPRESS PRO NEGLURNAR

Eftir 10-15 mín fjarlægðu álpappírinn og lyftu upp bómullarhnoðranum til að sjá hvort XPress neglurnar séu að leysast upp. XPress neglurnar ætti að mestu að vera búið að leysast en það getur komið fyrir að það sé eitthvað enn fast.

Ef þú getur ekki nuddað XPress af með blautum acetone bómullarhnoðra, þá geturu gripið í naglabandapinna til að lyfta varlega upp XPress nöglunum.

Ef þær er ekki að losna frá þá mælum við með því að fylgja aftur skrefi 4 eða 5 í um 5-10 mín. Mundu bara að alls ekki plokka/rífa þær af.